Artzain gezurtia ARAIA

---

 

 

Martin hasi zen atzo

Bere lan berrian

Ardi guztiak utzi

Zituen zelaian

Eseri zen orduan

Arbola azpian

Aspertuta zegoen

Bakarrik mendian

 

Martin jende txarrena

Zen artzain gaztea

Behar zuen ardiekin

Mendira joatea

Aspergarria zenez

Mendiko bakea

Bururatu zitzaion

Txantxa egitea

 

Martinek ikusi du

Otsoa seguru

Eta guk laguntzera

Joan behar dugu

Mendira igotzean

Ez bat eta ez hiru:

Artzain gezurti honek

Adarra jo digu!

 

Otsoa datorrela

Esan zuen ozen

Eta herritar denak

Korrika joan ziren

Baina berriro ere

Gezurra izan zen

Haien kontura berriz

Barre egin zuen

 

Otsoa agertu zen

Zelai hartan bertan

Gure artzaina orduan

Oihuka penetan

Nahiz eta etorri zen

Otsoa benetan

Pentsatu zuten berriz

Dabil gezurretan

 

Otsoak hartu zuen

Ardien bihotza

Artzain txuria berriz

Gelditu zen hotza

Esaten da gezurrak

Duela hanka motza

Eta otsoak berriz

Hagina zorrotza!

 

Araia Eskola, 5. maila