MEN SANA IN CORPORE SANO

Zenbat aldiz entzun ote dugu benetan garrantzia duena barnea dela? Zenbat aldiz aipatu guk geuk topiko hori, berarengan apenas sinistu gabe?

Kaletik goazenean, eraikuntza politetan fijatzen gara, mendira igotzen garenean liluraturik begiratzen dugu tontorretik ikus daitekeen paisaia, gauetan itsasaldeko paseoa argitzen duten farolek gatibaturik bihurtzen gara... mundu guztiak ditu zinea, literatura, musika, pintura, eskultura, arkitektura eta abarren inguruko iritzi, inori ez diozgu entzungo esaten, ez dakit hau gustuko dudan, ez daukat horren gaineko usterik, ez, horrelakorik ez dago munduan. Beraz, estetika, gizartean dago, gure artean dago, are gehiago, gizakian dago, eta nire ustez, beti egon da (dena den ez naiz historialaria, erratuta egon naiteke...).

Irudiak garrantzia du guretzat, uste dut hori ezin uka daitekeela, irudiak zerbait edota norbait a priori eta gainetik ezagutzeko aukera ematen digu... bueno, ezagutzeko aukera ez, baina izan daitekeenaren gaineko ideia bat eman diezaguke, askotan oker bagaude ere. Epaitzeko jaioak gara, jateko orduan janaria begitik sartzen bazaigu gehiago animatzen gara, eta harremanetan berdina gertatzen da, epaitu egiten ditugu ezagutu berri ditugun pertsonak, edo soilik ondotik pasatzen direnak. Justua da, ez da justua? Batek daki, baina egiten dugu, eta ez dago besterik.

Esan beharrik ez dago ez dudala kanon unibertsaletan sinisten. Fisikoak guretzako garrantzia duela esaten dudanean ez dut esan nahi neske txokolate tabletadun mutilak nahitahez atsegin behar dituztenik, edo mutilei hanka kilometrikodun neska pinpirinak gustatu behar zaizkienik, inolaz ere. Erabaki askea da nire nahia, ezinezkoa dela pentsatzen badut ere, gizarteak, sistemak, esaten baitigu zer izan behar dugun gogoko. Baina betidanik esan izan da gustoen gainean ez dagoela ezer idatzia, beraz, bakoitzak begiratu diezaiola nahi duen koadro, eraikuntza, liburu, pelikula edo gorputzari. Dena den ez da itxura fisikoa ezaugarri estetikoen bilduman parte hartzen duen faktore bakarra, izaera bat ezagutu gabe, hitz egiteko erak, janzkerak, keinuek eta hauen atzean jarraitzen duen zerrenda luze batek ikaragarrizko garrantzia izan dezakete.

Dudarik gabe, elkarbizitzarako garrantzi handiagoa ematen diot nik barneari, gogoari, izaerari, lehen aipatutako guztiari baino, baina gauza bakoitzak badu bere esparrua bakarka jakotu nahi izatekotan. Nik ez dut nire ondoan buru huts bat nahi, aspertuko nintzateke bakarrik hitz egiteaz, ez ninduke beteko, ez nintzateke gustura biziko. Begiratzeko, begiratzeko berdin zait ze izaera duen, gehiago esango nuke, nahiago dut ez jakin, xarma kentzen duelako, gorputz erakargarri baten atzean intelektual bat gordeta egoteko aukerak ere badu bere morboa, zergatik ez, eta hobe misterioa mantendu fisiko eder horri galdu behar ez zuena kendu baino.

Hori bai, gauza bat argi utzi nahi dut, intelekto izugarri batek edo hamarreko gorputz batek jazkera eta keinu egoki eta guzti, ez dute ezertarako balio edozein gautan txortan egitea baldin bada nahi duguna. Azken finean, sexuan experientziak, jakituriak eta interesak balio dute, eta ez beste ezerk.

Hala ere, nork esango lioke ezetz mutil edo neska katxarro, interesgarri, azkar, intelektual eta gainera ohean primerakoa den bati? Nik behintzat ez... txorakeria litzateke nire aldetik!!!

Men sana in corpore sano (y si folla bien mejor que mejor!!!)