Xerezaderen Artxiboa

ESKALEA MIXERIA GORRIRA BIDALI ZUEN EMAKUMEA, J. Neruda

Xerezaderen Artxiboa | 2011-07-04 12:51

Vojtisek jauna eskalea da Prahako Mala Strana auzoko kaleetan. Ordu txarrean esandako hitz desegoki bategatik, ikusiko du nola gizakien krudeltasunak mixeria gorrira bidal dezakeen pobrerik pobreena ere. ENTZUTEKO edo JAISTEKO, sakatu HEMEN (ezkerreko botoiaz zuzenean entzuteko, eta eskumako botoiaz, berriz, jaisteko). Ipuin honetako musika: "Lavender". Egilea: Roy Merriam. Albuma: Quiet Strings.

"BANATUZ DOAZEN BIDEXKEN JARDINA", J. L. BORGES

Xerezaderen Artxiboa | 2011-06-27 07:28

Iu-tsun espia, alemanentzako lanean. Haren atzetik, agente britainiar bat: Richard Madden. Iu-tsunek misio bat bete behar du Maddenek bera harrapatu baino lehen. Horretarako, Iu-tsunek Stephen Albert izeneko gizona aurkitu behar du lehenbailehen. Halabeharraren joko batez, bide horretan Iu-tsunek topo egingo du bere birraitonak utzitako misterioarekin... ENTZUTEKO EDO JAISTEKO, sakatu (ezkerreko botoiaz zuzenean entzuteko, eta eskumako botoiaz, berriz, jaisteko).

"NORK JAKIN?" - Guy de Maupassant

Xerezaderen Artxiboa | 2011-06-20 00:44

Gizon bat bere baitara bildua bizi da; deseroso sentitzen da gizartean, eta nahiago du bere bakardadeaz eta etxearen lasaitasun eta segurtasunaz gozatu, txikitatik gorde izan dituen objektu eta altzari maiteez inguraturik. Egun batean, baina, etxeratzean ezusteko bat gertatzen zaio... ENTZUTEKO EDO JAISTEKO, sakatu hemen (ezkerreko botoiaz zuzenean entzuteko, eta eskumako botoiaz, berriz, jaisteko).

HORMAKO PAPER HORIA, Charlotte Perkins-Gilman

Xerezaderen Artxiboa | 2011-06-13 23:22

Ama izan berria den emakume bat senarrarekin doa uda pasatzera mendialdeko etxe handi batera. Emakumea oso goibel dago azken aspaldian, eta senarrak, izen handiko medikuak, nerbioen ahulezia horretarako tratamendua ezarri dio. Dena da zure hobe beharrez, maitea... ENTZUTEKO EDO JAISTEKO, sakatu hemen (ezkerreko botoiaz zuzenean entzuteko, eta eskumako botoiaz, berriz, jaisteko).

AMONTILLADO UPELA eta BIHOTZ SALATARIA, EDGAR ALLAN POE

Xerezaderen Artxiboa | 2011-06-07 12:45

"Amontillado upela". Venezia. Ihauteri garaia. Montresorrek mendekua hartu nahi dio bere lagun Fortunatori, barkaezina omen den laido bategatik. Ardo bat dastatzeko aitzakiatan, bere palazzoko sotora eroan du. Hor dautza aspaldiko montresortarren hezurrak, ardo botila eta upelen artean... "Bihotz salataria". Ezin zezakeen agurearen sai begia jasan. Begirada horrek zulatu egiten zion arima, eta oinaze hartatik ateratzeko agurea hiltzea beste biderik ez zegoen. Izan ere, zentzumen zorrotzegiak izatea tortura izan daiteke... ENTZUTEKO EDO JAISTEKO, sakatu hemen (ezkerreko botoiaz z...