Aintzi sei urteko neskatoa zen. Irurtzunen bizi zen gurasoekin eta erraldoiak oso bereziak ziren berarentzat. Magikoak zirela zioen! Gartzia Ximenez, Amaia , Petronila eta Goñiko Teodosio jolas lagun izan zituen festetan eta hainbat ateralditan. Beraien gonen azpian sartu eta, barrutik, hurbiltzen zen jendeari agurtzea zuen gogoko; Kongito, Sorgina , Aitona eta Deabruren aurrean egiten zituen lasterketetan ere, aterpea ziren erraldoien magalak; oso maite zuen beraien eskuei heldu eta horiek laztantzea… Lagun zituen Aintzik erraldoiak. Urte horretan , Konpartsak 25 urte betetzen zituen udan hain zuzen ere, betiko bihotzean gordeta geldituko zitzaion zerbait bizi zuen. Erraldoiek beraien mundu magikoan sartzeko atea ireki baitzioten. Festetan izan zen, txupinazoaren egunean.
Iaz , XXV. urtemuga ospatzeko antolatu ziren ihardueren artean sortu zen proiektua, orain arte kaleratu ezin izan delarik.
Egilea, Konpartsako kidea den Amaia Albizu izan da , marrazkiak Irurtzungo marrazketa eta margoketa irakaslea den Isabel Garcíak eginik eta marrazketa digitala eta maketazioa Xabi Unanuaren esku egon da.
Aditzera emateko, Atakondoa Eskolan Azaroaren 19, 20, 23 eta 24an Ipuin-kontaketa eta Proiekzio bat prestatu du Konpartsak.
Azaroaren 25etik aurrera “Aintzi eta erraldoien magia” salgai egongo da Irurtzungo liburudendetan 5 eurotan. Eskolako ikasleek berriz, 2’50eurotan erosteko aukera izanen dute, aurkezpenean jasoko duten bale baten bidez.
Comments
Posted by: oier.2012/01/14 21:49:12.081000 GMT+1
Posted by: .2012/10/06 20:01:42.477000 GMT+2