Maiatza: hiru kandela

Orain dela hiru urte

Errepaso ederra eman nion orain dela hiru urte portfolioari. Hilabete berean 7 artikulu horren gainean. Bonbardaketa galanta. Baina beste gauza batzuei ere egin nien tartea orain dela hiru urteko maiatzean.

Jardunaldi batzuen berri eman nuen blogean: euskara.dat izenekoak, euskara nola landu astialdian izenekoak, Hik hasikoen udako ikastaroak eta UEUko udako ikastaroetako bat. Horrez gain, nire alderik punkiena atera nuen Se habla español izeneko kantua hona ekarrita (oraingoan kanta eskegi dut, orain hiru urte ez bezala). 

Hilabetea portfolioaren intoxikazioarekin amaitu aurretik, Bat 62 aldizkaria komentatu nuen, eta Soziolinguistikaz berripaperaren 14. zenbaka blogeratu nuen.

1. Portfolioa (IV) 
2. euskara.dat:hedabideak
3. Euskara nola landu astialdian
4. Portfolioa (V)
5. Hik hasi: udako ikastaroak
6. Se habla español
7. Portfolioa (VI)
8. Hizkuntza-plangintza: teoriak eta aplikazioak
9. Portfolioa (VII)
10. Soziolinguistikaz 14
11. Bat 62
12. Portfolioa (VIII)
13. Portfolioa ondorioak
    
14. Portfolioa ostekoa
    

 

Orain dela bi urte

Orain dela bi urte, hilabetea Hausnartu sarien berri ematen hasi nuen. Ondoren, Euskal Herrian egiten diren transmisio kanpainak eta Galizian egiten direnak alderatu nituen. Batez ere, gure herrikoak kritikatuz. Eta bi urte hauetan panorama ez da lar aldatu. Transmisioarekin jarraituz, ikerketa baterako laguntza eskatu nuen blogaren bidez (ikerketa amaitua eta argitaratua izan da).

Galiziara jo nuen berriro, Benitoren laguntzarekin jo ere. Hiznet-eko matrikula zabaldu zela iragarri nuen gero blogean. Immigrazioari buruzko jardunaldi batzuk aipatu nituen gero, eta gero Soziolinguistikaz berripaperaren 20. zenbakia argitara eman nuen.

Hilabetea Bilbon amaitu nuen, Bertan Bilbo liburuarekin. Bilboko euskararen eta euskalgintzaren historia sozialarekin. Oso liburu gomendagarria, zinez.

1. Hausnartu sariak
2. Transmisioa
3. Ikerketa baterako laguntza eske
4. Euskaraz hitz egiten hasteko instrukzioak
5. Hizkuntza plangintza graduondokoa: matrikula zabalik
6. Hizkuntzak eta inmigrazioa II. kongresua
7. Soziolinguistikaz 20. zenbakia
   
8. Irakurgaiak: Bertan Bilbo